Page 33 - SEVEN STEPS for COMPREHENDING the EUROPEAN UNION
P. 33
32 / შვიდი ნაბიჯი ევროკავშირის გასააზრებლად
ევროპარლამენტში სადეპუტატო მანდატების განაწილე-
ბა საინტერესო პრინციპს ემყარება: ევროკავშირის ხელ-
შეკრულებების შესაბამისად, ევროპარლამენტის მანდატები
ევროკავშირის წევრ ქვეყნებზე გადანაწილებულია მათი
მოსახლეობის რაოდენობის მიხედვით - თითოეული ქვეყნიდან
მაქსიმუმ 96 და მინიმუმ 6 დეპუტატი. გერმანიის ფედერაციული
რესპუბლიკიდან, რომლის მოსახლეობა 80 მილიონზე მეტია, 96
დეპუტატია წარმოდგენილი, რუმინეთიდან (დაახლოებით, 20
მილიონი მოსახლე) - 33, ხოლო მალტადან, რომლის მოსახლეობა
დაახლოებით 550 000-ს შეადგენს - 6.
მიუხედავად ზემოაღნიშნული ეროვნული კვოტებისა,
ევროკავშირის წევრ ქვეყნებს ევროპარლამენტში არ ჰყავთ,
ეროვნული დეპუტაციები და ევროკავშირის სხვადასხვა ქვეყნის
დეპუტატები ევროპარლამენტის პოლიტიკურ ჯგუფებში არიან
გაერთიანებული.
2024-2029 წლების მოწვევის ევროპარლამენტში 8 საერთო-
ევროპული პოლიტიკური ჯგუფია. მათ შორის უმსხვილესია
ქრისტიან-დემოკრატიული ევროპის სახალხო პარტია
(The Group of the European People’s Party) - 188 მანდატი,
სოციალ-დემოკრატების პროგრესული ალიანსი (The Group of
progressive alliance of Socialists and Democrats) – 136 მანდატი,
ულტრამემარჯვენე, ევროსკეპტიკოსების ჯგუფი - პატრიოტები
ევროპისთვის (PfE) - 84 მანდატი, მემარჯვენე, ევროსკეპტიკოსების
ჯგუფი - ევროპელი კონსერვატორები და რეფორმისტები (ECR)
- 78 მანდატი, პროევროპული ლიბერალური ჯგუფი - განაახლეთ
ევროპა (Renew Europe) - 77 მანდატი, გარემოსდაცვითი და
რეგიონალურ საკითხებზე ორიენტირებული ჯგუფი მწვანეები/
ევროპის თავისუფალი ალიანსი - (Greens/EFA) - 53 მანდატი,
ულტრა მემარცხენე პარტია - მემარცხენეები (GUE/NGL) - 46
მანდატი და კიდევ ერთი ულტრამემარჯვენე, ევროსკეპტიკური
პარტია სუვერენული ერების ევროპა - (ESN) 25 მანდატი. ასევე არის
ევროპარლამენტის 32 წევრი, რომლებიც არცერთ პოლიტიკურ
ჯგუფს არ მიეკუთვნებიან. განმარტება: ევროპარლამენტის
განაწესში (Rules of Procedure) შესული ცვლილებების შესაბამისად,
