Page 72 - SEVEN STEPS for COMPREHENDING the EUROPEAN UNION

71

საკითხი არ იდგა, ვფიქრობთ, საკმარისი არგუმენტები იქნა
მოყვანილი. თუმცა, ევროკავშირის სკეპტიციზმის პოლიტიკურ
კონტექტს კიდევ უფრო ცხადად აღწერს მომდევნო თავი,
რომელიც ევროკავშირის პოლიტიკას ეხება მისი ახალი
სამეზობლოს მიმართ, 2004 წლის დიდი გაფართოების შემდეგ.

ევროკავშირის შემდგომი გაფართოების სამართლებრივი და
პოლიტიკური წინაპირობების არარსებობის პირობებში, ევრო-
კავშირის 2022 წლის „მოულოდნელ“ გაფართოებას ერთადერთი
ახსნა აქვს - რუსეთის მიერ უკრაინისთვის თავსმოხვეული
ომის საპასუხოდ, ევროკავშირი იძულებული გახდა, გადაეხედა
სამხრეთ-აღმოსავლეთ სამეზობლოს მიმართ თავისი პოლიტი-
კისათვის და ე.წ. არაკონვენციური გადაწყვეტილებები მიეღო.
შედეგად, უკრაინამ, ასევე მოლდოვამ და საქართველომ
ევროკავშირში გაწევრიანების ოფიციალური განაცხადი, შესა-
ბამისად, 2022 წლის თებერვალში და მარტში შეიტანეს. 2022
წლის 23 ივნისს, ევროკომისიის რეკომენდაციის საფუძველზე,
უკრაინამ და მოლდოვამ ევროკავშირის წევრობის კანდიდატი
ქვეყნის სტატუსი, ხოლო საქართველომ ევროკავშირის წევრობის
პოტენციური კანდიდატი ქვეყნის სტატუსი მიიღეს. 2024 წლის
ივნისში ევროკავშირმა გაწვერიანების მოლაპარაკებები დაიწყო
უკრაინასა და მოლდოვასთან, ხოლო საქართველო 2023 წელს
ევროკავშირის წევრობის კანდიდატი გახდა.

აღვნიშნოთ ისიც, რომ, თუ ევროკავშირის შესახებ ხელ-
შეკრულების 49-ე მუხლი ევროკავშირის კარს ყველა ევროპული
ქვეყნისთვის ტოვებს ღიად, ხელშეკრულების მომდევნო
36
50-ე მუხლი (ცვლილება დამტკიცდა 2009 წელს, ლისაბონის
ხელშეკრულების ძალაში შესვლით. ამ ხელშეკრულებაში ეს
ჩანაწერი 49A მუხლშია მოცემული.) განსაზღვრავს ევროკავშირის
წევრი ქვეყნების უფლებას, გავიდნენ კავშირიდან, თუ ამას მათი
ეროვნული ინტერესები მოითხოვს („Any Member State may decide
to withdraw from the Union in accordance with its own constitutional
requirements.“). ევროკავშირის შესახებ ხელშეკრულების სწორედ
ეს მუხლი იქნა ამოქმედებული გაერთიანებული სამეფოს
ევროკავშირიდან გასვლის პროცესის დასაწყებად.
36 ხელშეკრულება ევროკავშირის შესახებ, მუხლი 50
https://eur-lex.europa.eu/legal-content/EN/TXT/?uri=CELEX%3A12012M%2FTXT