Page 62 - SEVEN STEPS for COMPREHENDING the EUROPEAN UNION

61

რომლებიც ამჟამად გამოიყენება ევროკავშირში გაწევრიანების
პროცესში მყოფი ქვეყნების, კერძოდ, დასავლეთ ბალკანეთის
სახელმწიფოების მიმართ. ამ მიდგომის საფუძველზე, ევრო-
კავშირში გაწევრიანების პროცესი 5 ძირითად ეტაპად შეიძლება
დავყოთ:
I. ქვეყანას უნდა მიენიჭოს ევროკავშირის წევრობის პოტენ-
ციური კანდიდატის სტატუსი (EU potential candidate).

ევროკომისია თავის ოფიციალურ ვებგვერდზე , გან-
30 31
მარტავს, რომ ევროკავშირის პოტენციური კანდიდატები არიან
ქვეყნები, რომელთაც აქვთ ევროკავშირში გაწევრიანების ცალ-
სახა პერსპექტივა, თუმცა ჯერ არ მინიჭებიათ ევროკავშირის
კანდიდატის სტატუსი (Potential Candidates: countries/entities which
have a clear prospect of joining the EU in the future but have not yet
been granted candidate country status).
ხსენებული სტატუსი, მიუხედავად იმისა, რომ იგი ევრო-
კავშირის შესახებ ხელშეკრულებებში არ არის განმარტებული,
გამოყენებულია დასავლეთ ბალკანეთის ქვეყნების მიმართ.
საგულისხმოა, რომ უკრაინისა და მოლდოვას შემთხვევაში,
ასევე საქართველოს მიმართ, უპრეცედენტო გამონაკლისი
იქნა დაშვებული - 2022 წელს ევროკავშირმა აღნიშნული
სამი ქვეყანა მიიწვია ევროკავშირის წევრობაზე განაცხადის
გასაკეთებლად იმ ფონზე, რომ არც-ერთ მათგანს ევროკავშირის
წევრობის პერსპექტივა, ანუ პოტენციური კანდიდატობა არ
ჰქონდა. აღნიშნული ერთმნიშვნელოვნად გამოწვეული იყო
ევროკავშირის მყისიერი გადაწყვეტილებით, მკაფიოდ ეპასუხა
უკრაინაში რუსეთის შეჭრისათვის.
ამდენად, ევროკავშირის მეზობელი ევროპული ქვეყნე-
ბისთვის ევროკავშირში გაწევრიანების მკაფიო პერსპექტივა,
რომელიც გამოხატული უნდა იყოს ამ ქვეყნებისთვის ევრო-
კავშირის წევრობის პოტენციური კანდიდატის სტატუსის
მინიჭებით, არის ევროკავშირში გაწევრიანების პროცესის და-
30 აპლიკანტი ქვეყნების სტატუსი
https://ec.europa.eu/neighbourhood-enlargement/countries/check-current-status_en
31 კანდიდატები და პოტენციური კანდიდატები
https://ec.europa.eu/environment/enlarg/candidates.htm