Page 79 - SEVEN STEPS for COMPREHENDING the EUROPEAN UNION
P. 79
78 / შვიდი ნაბიჯი ევროკავშირის გასააზრებლად
მეორე მხრივ, მაგალითად, გაერთიანებული სამეფო (UK)
ევროკავშირიდან 2020 წელს გავიდა, თუმცა გაერთიანებული
სამეფოს „ევროპელობას“ არავინ აყენებს კითხვის ნიშ-
ნის ქვეშ, მისი ისტორიის, გეოგრაფიული მდებარეობის,
ასევე, ევროპის საბჭოს წევრობის გამო. ეს უკანასკნელი
ფაქტორი - ევროპის საბჭოს წევრობა, სავარაუდოდ, ყველაზე
სამართლიან და სამართლებრივ პასუხს სცემს, რომელი
ქვეყნები მიეკუთვნებიან „ევროპულ სახელმწიფოებს“ -
თავად ორგანიზაციაც განმარტავს, რომ იგი შექმნილია
„ევროპაში“ ადამიანის უფლებების, დემოკრატიისა და
კანონის უზენაესობის დაცვის მიზნით.
2016 წლის 1 ივლისს, საქართველო-ევროკავშირის ასოცი-
რების შეთანხმება ძალაში შევიდა. 2017 წლის 28 მარტიდან
საქართველოს მოქალაქეები ე.წ. შენგენის ზონის ქვეყნებში
უვიზოდ მგზავრობენ.
აღმოსავლეთ პარტნიორობის ინიციატივამ უპრეცედენტო
შესაძლებლობები გაუხსნა იმ ქვეყნებს, რომლებმაც განვი-
თარების ევროპული გზა აირჩიეს: საქართველოს, უკრაინისა
და მოლდოვის მოქალაქეები უვიზოდ მგზავრობენ შენგენის
ზონის ქვეყნებშიევროკავშირთან თავისუფალი ვაჭრობის
შედეგად, ევროკავშირი გახდა ამ ქვეყნების უმთავრესი
სავაჭრო პარტნიორი; ქართველი, უკრაინელი და მოლდოველი
ახალგაზრდები მონაწილეობენ ევროკავშირის სასწავლო-
საგანმანათლებლო პროექტებში; ევროკავშირი მნიშვნელოვან
ფინანსურ ინვესტიციებს ახორციელებს აღმოსავლეთ ევროპის
მასშტაბურ ენერგეტიკულ და სატრანსპორტო პროექტებში და ა.შ.
აღმოსავლეთ პარტნიორობისთვის დამახასიათებელი
შეზღუდვები
უდავოა, რომ აღმოსავლეთ პარტნიორობამ მის ფარგლებ-ში
ასოცირებული სამი ქვეყანა ევროკავშირთან ერთმნიშვნე-
ლოვნად დააახლოვა, ხელი შეუწყო ევროკავშირის ბაზართან,
ევროკავშირის ინფრასტრუქტურულ, სატრანსპორტო, ენერგე-
ტიკულ და სხვა სისტემებში მათ ინტეგრაციას.
