Page 3 - Configuration of the Council of the European Union
P. 3
ზოგად საკითხთა საბჭოს დამატებით აქვს საგანგებო
ფუნქცია, მოამზადოს ევროპული საბჭოს (European Council)
სხდომები და გადაწყვეტილებები. ევროპული საბჭო, თავის
მხრივ, ევროკავშირის წევრი ქვეყნებისა და მთავრობების
მეთაურთა (heads of states and governments) შეხვედრების
ფორმატია და განსაზღვრავს ევროკავშირის განვითარების
სტრატეგიულ ამოცანებსა და პოლიტიკას სხვადასხვა დარგში.
ევროპული საბჭო, როგორც არაფორმალური ინსტიტუტი, 1975
წელს შეიქმნა. მისი ევროკავშირის ინსტიტუტად ფორმალიზება
2009 წელს, ლისაბონის ხელშეკრულების ძალაში შესვლის
შედეგად განხორციელდა.
ევროკავშირის საბჭოს სტრუქტურები
ევროკავშირის საბჭოს სხდომებზე განსახილველ
საკითხებს, თავდაპირველად იხილავენ ბრიუსელში
განთავსებული ევროკავშირის წევრი ქვეყნების მუდმივი
დიპლომატიური წარმომადგენლობები (permanent representations
to the European Union) - ევროკავშირის წევრი ქვეყნების
საელჩოები, რომლებიც ექსკლუზიურად მუშაობენ ევროკავშირის
საკითხებზე (განსხვავებით, ე.წ. ორმხრივი საელჩოებისაგან
ბელგიის სამეფოში, რომლებიც ასევე ბრიუსელში არიან
განთავსებული, მაგრამ ბელგიის სამეფოსთან ორმხრივ
ურთიერთობებზე მუშაობენ).
ხსენებულ მუდმივ წარმომადგენლობებს ჰყავთ მუდმივი
წარმომადგნლები, ელჩები (Permanent Representative), რომლებიც
სპეციალურ კომიტეტს - COREPER (French – Comité
des représentants permanents) ქმნიან. არსებობს COREPER I და
COREPER II: COREPER II (ელჩების ფორმატი), რომელიც
